ஒரு பதினெட்டு மாடி கட்டிடம்.அதன் உச்சியில் வெள்ளை அடிக்கும் ஒருவன்.....தொங்கும் கயிற்று ஊஞ்சலில் அமர்ந்தபடி......இடது கையில் டப்பாவும்......வலது கையில் ஒரு ப்ரஷ்ஷூம் ! கீழிருந்து அவனை மேலே பார்க்கும் நமக்கே தலை சுற்றும்.அவனுக்கு?
அவன் என்ன கின்னஸ் சாதனையா புரிகிறான்?அன்றாட தொழிலல்லவா அவனுக்கு ! என் கண்கள் குளமானது !

 அது அவன் தொழிலா ? தினசரியா ? இதே போலவா ? மனம் கனத்தது ....... வலித்தது ! தன்னை நம்பி ஒரு குடும்பத்துக்காக......தினமும் ஆகாயத்தில் தொங்க வேண்டுமா ? உயிருக்கு உத்திரவாதம் இன்றி ....வீடு திரும்பும் வேலையா ?

இப்போது புரிந்தது ! அவனை இந்த அளவு தினமும் உயர்த்துவது .....அந்தக் கயிறு அல்ல......வயிறு !